YI Mizoram Chapter in bootcamp leh workshop neihpui

Young Indians Mizoram Chapter chuan August 17, 2024 khan Mount Carmel School-ah India ram pumhuap school inelna, Thalir Innovation Fest, Coimbatore-a neih tur atan bootcamp leh workshop a neihpui.

Naupang thlanchhuah 20-te tan Design thinking workshop leh practical session neiin Lalrinnunga, CEO Darbu Music chu resource person atan hman a ni.

School naupang Class 9 - 12 inkar tan he inelna hi buatsaih a ni a, Mizoram aṭangin school pahnih tel tura thlan an ni. Workshop leh bootcamp hi national level inelna atana inbuatsaihna a ni.

National level competition hi ṭhuang hnih - Design Thinking Contest leh Science & Tech Expo anga kalpui a ni dawn a, state hrang hrang aṭangin school 1000 chuang an kal khawm dawn a ni.