SAY-in Platinum Jubilee Music Festival hmang

Salvation Army Youth (SAY) India Eastern Territory chuan an kum 70 tlin lawmna pualin August 17 & 18 khan Youth Multipurpose Centre, Ainawn Vengah Platinum Jubilee Music Festival an hmang.

Inrinni zanah Jubilee concert neih a ni a, Pathianni chawhmaah Holiness Meeting( Thianghlimna Inkhawm) neiin Colonel Lalhmingliana, Territorial Commander, India Eastern Territory chuan thuchah a sawi. Zan lamah Praise & Worship hun hmangin Major Richard Vanlalnghaka, Territorial Youth Secretary, India Eastern Territory in Pathian thu puanchhuahna a nei. TSAY Music Skill Development sub council buatsaihin Musical Clinic neih a ni bawk.

India hmarchhakah SAY member hi 13,994 awmin, IET, SAY hi Division 7, District 1 leh Extension 1 (Nepal) ah ṭhen a ni. Jubilee lawmna hunah hian Salvation Army Competitive Test (SACT) a ti ṭha te chawimawina hun hman a ni bawk.