Hulk Hogan lemah Ben Affleck

Hollywood star pahnih, Matt Damon leh Ben Affleck-te production company, Artists Equity chuan Ryan Holiday-a nonfiction book, "Conspiracy: Peter Thiel, Hulk Hogan, Gawker and the Anatomy of Intrigue." chu film-a siam turin phalna an nei tawh a, he film-ah hian Ben Affleck chu Hulk Hogan lemah a chang dawn nia sawi thawm a awm a, mahse engmah sawichian a la ni lo thung.

An film siam tur hi a hmingah 'Killing Gawker' tih an vuah hmasa phawt a, kum 2016-a professional wrestler Hulk Hogan leh Gawker Media te court case chungchang a ni. Gawker Media hian Hogan leh Heather Clem-te sex tape post-in, hei vang hian Hogan hian a khing let a ni. An thubuaiah hian Hogan hi chakin, Gawker hian USD mtd 140 zet an chawi a, an tlakchhiat phah zui bawk. He film siam tur hi an tihfel hunah Gus Vans Sant chu director a ni ang.