Post Malone album thar country hlang ni dawn

Post Malone album thar, August 16-a tih chhuah tur 'F-1 Trillion' chu full country a ni dawn a, country star lian tak takte a thawhpui dawn a ni.

'F-1 Trillion' official tracklist hi website lamah dah ni tawhin, Post Malone album thara a thawhpui tur zingah hian Dolly Parton, Tim McGraw, Blake Shelton, Morgan Wallen, Brad Paisley, Luke Combs, Jelly Roll, Lainey Wilson leh Chris Stapleton te pawh an tel. Malone hian single pathum, Wallen nena an thawhdunna 'I Had Some Help', Shelton a thawhpuina 'Pour Me Drink' leh Combs nena an zaidunna, 'Guy for That' a ti chhuak hmasa tawh a, 'I Had Some Help' hi Billboard Hot 100-ah No 1 nihpuiin, number-one single paruk a nei tawh a ni. Shelton leh Malone hian 'Pour Me a Drink' hi CMA Fest-ah an peform dun bawk.