Squid Game 2 tlangzarh hun tur a chiang ta

Netflix chuan an mega-hit, 'Squid Game' Season 2 chu December 26-ah tih chhuah a ni dawn tih a puang. Hemi rual hian nakkumah Season 3 siam lehin, a tawpna tur a ni tih a puang tel bawk.

Season 2-ah hian player 456 ten intihsiakna hautak tak mai hi an hmachhawn leh dawn. A hmaa an lo puan tawh angin Season 2-ah hian Lee Jung-jae, Lee Byun-hun, Wi Ha-jun leh Gong Yoo te an inlan leh dawn a, Emmy winner Hwang Dong-hyuk chu writer, director leh producer a ni leh ang. Squid Game hi September 2021 khan Netflix-ah tih chhuah niin, khawvel huapin a lar a, Netflix-a original series entu ngah ber niin 'Stranger Things' leh 'Bridgerton' te a khum a ni. Emmy nomination 14 zet a hmu pha a, heng zingah hian best drama series pawh a tel a ni.