Bollywood actress hausa ber Aishwarya Rai

National media outlet-ten Bollywood actress, film la chan chhunzawm mekte hausak dan list an tarlanah Aishwarya Rai a sang ber.

Report-ah hian Aishwarya Rai hausakna hi Rs vbc 862 vel niin an tarlang a, film industry-ah hian kum 25 chuang a tal tawh a ni. Ash hian ram pawn lam, Dubai-a Jumeirah Estates-ah Rs vbc 15 man in a nei tel a, 2015 khan Bandra-a Kurla Complex-a 5-bedroom bungalow chu Rs vbc 15 in alo lei tawh bawk. Hei bakah luxury vehicle pawh a nei nual, heng zingah hian Rolls-Royce Ghost, Audi A8L, Mercedes-Benz S500, Mercedes-Benz S350d Coupe, Lexus LX 570 te an tel.

Priyanka Chopra chuan dawtin, a hausakna hi RS vbc 650 hû niin an chhut bawk. Alia Bhatt chu Rs vbc 550 hû neiin pathumna a ni a, Deepika Padukone chuan Rs vbc 500, Kareena Kapoor in Rs vbc 485 leh Kartina Kaif-in Rs vbc 250 hû neia chhut a ni bawk. South Indian actress zingah Nayanthara chu list-a lang awmchhun niin, a hausakna hi Rs vbc 200 hû niin an tarlang.