Zaninah Mizo film thar 'Vitanova' tlangzarh dawn

Elza TV kut chhuak, Mizo film thar 'Vitanova' chu zanin hian Vanapa Hall-ah tlangzarh ni dawn ta.

Elza TV te hi YouTube lamah an thawm a na a, ṭhalai zingah phei chuan an tla na hle. 'Vitanova' ah hian lemchan lama kan lo hmelhriat tawh, Isaac Chawngthu kan hmu dawn. Isaac Chawngthu hi hmanlai hun leh tun lai hunah a rawn inlan dawn a, a theihna tak tak a rawn lantir dawn a ni. Isaac hi tun lai Mizo film star zingah chuan sawm hlawh ber pawl a ni a, Dear Kim, Hawrawp Hnuhnung ber leh film dang eng emaw zatah a lo in lan tawh. 'Vitanova'-a che vel chuan nulate mit a la leh viau ang. Ani bakah hian Tarpilu YouTube channel lama kan hmuh ṭhin, Ruatruati bakah Kenny, Hlutei leh midang eng emaw zat an inlan a ni. Shooting hi Lengte leh a chhehvelah an nei a ni.

'Vitanova' hi Zo Stream produce a ni a, Zo Stream App-ah en theihin chhawpchhuah a ni ang.