'The Deb' producer-ten Rebel Wilson an khing

Rebel Wilson chu a film direct hmasa ber, 'The Deb' producer pathum - Amanda Ghost, Gregor Cameron leh Vince Holden-ten an khing a, California-ah a laka defamation case an theh lut. Hei hi Wilson-in Instragam-a video a post-ah, producer-te chu fund tichingpen leh, nungchang mawi lo taka awma a puh vang a ni.

Producer-te hian Wilson-in a puhna chu thu dik lo a nih thu sawiin, amah zawk hian screenwriting leh musical recordings-ah credit lak a tum zawk niin an sawi. Hna a thawh danah a professional lo hle a, shooting neihna aṭangin hun rei tak tak a bibo fo a, sum thawhtute chu an nihna hailan sakah tiin a Instagram lamah te a vau niin a puh.