2024 Kids' Choice Awards : 'Barbie' in Favorite Movie Award dawng

37th Nickelodeon Kids' Choice Awards chu July 13 zan khan Los Angeles-a Pauley Pavilion-ah sem a ni a, Margot Robbie channa 'Barbie' a langsar hle a, Favorite Movie leh Favorite Actress award a dawng a, film soundtrack-in award pahnih a dawng bawk.

Show hi SpongeBob SquarePants leh Patrick Star ten an host a, performer zingah Paul Russel leh The Kid LAROI te an tel. Halftimes show-a Jelly Roll leh Heidi Klum-ten marching band nen mipui an chawk hlim bawk a ni.

"Percy Jackson and the Olympians" in lawm a la hlawh zel a, Favorite Kids TV Show-a thlan niin, lead actor Walker Scobell chu Favorite Male TV Star (Kids) award a dawng. Olivia Rodrigo chuan Favorite Female TV Star (Kids) leh a album 'GUTS' hmangin Favorite Album Award a dawng bawk. Taylor Swift pawhin award pathum - Favorite Female Artist, Favorite Global Music Star leh Eras Tour vangin Favorite Ticket of the Year a dawng a, a bialpa Travis Kelce chu Favorite Male Sports Star-ah thlan a ni ve bawk. Post Malone chuan a ṭum khtna atan Favorite Male Artist Award a dawng a, Favorite Music Group-ah Imagine Dragons thlan an ni. YouTuber MrBeast chuan Favorite Male Creator Award a dawng.