MSU inter-college Miss Multimedia Lalhlimzuali
Mizo Students’ Union (MSU) Gen. Hqrs official organ Kulva Chanchinbu buatsaih Inter-College Miss Multimedia Contest 2020 lawmman hlanna inkhawm chu Thawhlehni khan Aizawl Press Club-ah neih a ni a, MSU Inter College Miss Multimedia 2020 Lalhlimzuali hnenah Mizoram Journalist Association (MJA) president Zonunsanga Khiangte chuan lawmman a hlan.
Zonunsanga Khiangte hian sash bahtirin, trophy, citation leh lawmman pawisa fai a hlan a ni. MSU Kulva Magazine buaipuitute'n Inter-College Miss Multimedia Contest an buatsaiha mipui vote tlin Miss Lalhlimzuali chu a ṭhalaipuite kawng dika hruaitu leh fuih phurtu ṭangkai tak a nih theih thu te a sawi nghal a, Mizo ṭhalaite chu lehkha chhiar tam turin a chah a, phone bih aia lehkha chhiar hlawkna chu finfiah theih reng a nih thute a sawi tel bawk.
MSU Kulva Magazine Editor Micky Tochhawng chuan report pein MSU Inter College Miss Multimedia contest 2020 ah hian Mizoram hmun hrang hranga College 16 an tel thu a sawi a, vote 62,943 lai tlain Lalhlimzuali hian vote 11,234 a hmu tih a sawi a ni.
Lawmman hlanna inkhawmah hian Mizo zirlaite leh ram tana hna an thawhna kawng hrang hrangah Inter-College Miss Multimedia chu MSU Ambassador atan an puang nghal a ni.