Paris 2024 Olympic Games-ah BTS Jin

BTS member Jin chu Paris-a 2024 Summer Olympic Games neih turah an ram, South Korea tana meichher kengtu, torchbearer zingah a tel dawn.

Big Hit Music chuan nimin khan July 27 aṭanga ṭan tur, Summer Olympic Games-a inremna leh muanna thuchah thehdarhna, torch relay-ah Jin a tel tur thu hi a rawn nemnghet a ni. Paris Olympic Games atana torch relay hi nikum April thla khan Olympia, Greece aṭangin ṭan a ni tawh a, opening ceremony hmain region 64-a hmun 400, km 12,000 vel kalpui a ni ang. Torchbearer hi mi 11,000 chuang an awm a, Jin pawh hian France a pan thuai dawn a ni.Jin hian June 12 khan military service a zo a, an band zingah zo hmasa ber a ni.