Lemziak rukbo an chhar £ mtd 17.6 in hralh

London auction house, Christie's chuan kum 1510-a kum 20 mi a nih laia Venetian master, Titian-a lem ziah, Rest On The Flight Into Egypt chu £ mtd 17.6 in a hralh.

He lemziak hi Titian-a masterpiece tih a nia, kum 1995 khan Wiltshire-a Longleat in aṭangin rukbo a ni a, mahse kum 2002 khan London-ah plastic bag chhungah a frame tel loin chhar a ni leh ta a ni. He lemziak hi Mari'n Isua a pawm lai, Josefa'n a lo thlir lai a ni a, thingah ziah niin, feet 2-a lian a ni. Neitu hrang hrang an lo awm tawh a, an zingah hian Austrian emperor Joseph II pawh a tel. Longleat estate neitu, Marquess of Bath IV chuan kum 1878-ah lilamnaah chhangin, a thlaten an rochun chho zel a ni.