Netflix-in Zac Efron leh Nicole Kidman-te film hming thlak

Netflix chuan movie thar, Zac Efron leh Nicole Kidman te channa rom-com chu a hming a thlak sak. A hming thar, 'A Family Affair' hming hian thla hmasa lam khan a dah chhuak a ni.

He rom-com ah hian Efron hi film star, Chris Cole lemah changin, Nicole Kidman hi writer, Brooke Harwood lemah a chang a, kum inthlau tak chungin an inngaizawng chho a ni. Brooke fanu, Zara (Joey King) chu Chris-a assistant niin, a nu chu Chris nen an inkar titawp turin a ngen a ni. He film-a changtute hian a film hming hi a hmain a hran phuah a ni a, mahse film hming tana phuah hi ṭawngkam mawihnai lo tak a ni a, hei vang hian an release hmain Netflix chuan 'A Family Affair' tiin a thlak ta zawk niin an sawi. Director hi Richard LaGravenese niin, script hi Carrie Solomon ziah a ni. Jack Efron leh Nicole Kidman hi 2012 khan The Paperboy-ah an lo chang dun tawh bawk.