'Autocar Regional Dialogues programme' panelist-ah John Lalpeka

India rama lirthei leh a kaihhnawih chanchin ziaktu (automobile journal), Auto Car India chuan India rama lirthei siamtute hmasawn dan leh a nghawng chi hrang hrang sawi hona hun, 'Autocar Regional Dialogues programme' a buatsaih a, he hunah hian Maruti Suzuki Dealer: G.I.G Motors CEO John Lalpeka chu panelist niin a tel. Mizo zinga hetiang sawi hona huna tel hmasa ber a ni.

Guwahati-a Vivanta Hotel-a Autocar Regional Dialogues programme an hman hi Consulting Editor, Autocar India Renuka Kirpalani chuan a kaihruai a, sawm bikten sawi hona hi hmangin, thupui atan 'How Green are Dealerships?' tih hman a ni. Lirthei siamchhuaktute hmasawn dante bakah lirthei siam chhuahin ram leh mipui a nghawng dante an sawi ho a ni.