Zaninah Zonet Arkaiden Zan : Lalngenpuii Tochhawng pualin hun hmang dawn

Zanin dar 8 hian Zonet Arkaiden Zan hman a ni leh dawn a, zaithiam fam ta Lalngengpuii Tochhawng pualin hun hman a ni ang.

Zonet Arkaiden Zan programme hi Wooodland Hills, Ainawn Vengah hman a ni dawn a, Zonet Zawlbuk leh Zonet Empai Apps aṭangin live-a pek chhuah a ni ang. Host Zonuni Pachuau kaihhruaina hnuaiah zaithiam lar - Manuna, Rachel, Siampuii Ralte, Smiley, Mendal, Ngurthansanga leh Ruthi Tochhong-ten Lalngengpuii Tochhawng hla sak larte an rawn sa dawn a ni. An hla rawn sak turte hi 'Nunpui', 'Damlai thlan thim', 'Duhaisam', ' Ka zal tange', 'A sakhming pawh ka hriat loh kha, ' 'Derthiam Valmawi', 'I thliak dun ang, ' I hlan dun ang', 'Ngaiin ka la rawn zawng zel che, 'Zo Barbie' leh ''I leng dun ang' tihte an ni. Lalngengpuii Tochhawng chanchin tarlanna, video display neih a ni bawk ang.

Mizo hmeichhe zaithiam, aw 'cial' dangdai tak nei, Lalngengpuii Tochhawng hi August 1, 2023 khan kum 51 mi niin Greenwood Hospital-ah kal ṭha lo vangin a thi a ni. All India Radio-ah hla eng emaw zat a thun a, Radio B High artist a ni. A vanglai hian Zoram dung leh vangah a lar chhuak a, a hla zinga ṭhenkhat - 'Min hrilh rawh', 'A sak hming pawh ka hriat loh 'A va mak em' tihte chu tun thleng pawha ngaihthlak hlawh tak tak an la ni zui reng a ni. Audio album hi pali a siam hman a, chungte chu - 'Min hrilh rawh', 'Zo Barbie', 'A va mak em' leh Christmas hla te an ni. Hla pawh 40 vel a phuah bawk.