Tom Cruise fanu-in a hming aṭangin 'Cruise' a paih

Hollywood icon, Tom Cruise-a fanu, Suri Cruise chuan a hming aṭangin a pa surname, 'Cruise' a paih a, a nu Katie Holmes middle name, 'Noelle' a hmang thung.

Kum 18 mi, Suri hi kar liam ta Zirtawpni khan LaGuardia High School aṭangin a graduate a, he hunah hian a nu Katie Holmes chuan a telpui a, a pa erawh chu Taylor Swift Eras Tour enin London lamah a awm thung. Graduation-ah hian Suri hmingpum hi Suri Noelle tihin puan a ni a, kumin kumtir lama school-in play an neihah pawh he hming hi a lo hmang tawh a ni. Tom Cruise leh Katie Holmes hi kum 2012 khan a inṭhen a, an inṭhen hnuah Cruise leh a fanu hi an inpawh zui lo hle nia sawi a ni. Suri hma hian Brad Pitt-a fanute pahnih, Shiloh leh Vivieene pawhin an hming aṭangin an pa surname hi an lo paih tawh bawk a ni.