Doctor Strange a rawn kir dawn e

Marvel Cinematic Universe fan-te tan thu lawmawm, Doctor Strange a rawn kir dawn e. 'Avengers 5' chu nakkumah an chang leh dawn a, Benedict Cumberbatch chu Dr Strange a rawn ni leh dawn tih sawi chian a ni ta.

Film siam thar tur hi a hmain 'Avengers : The Kang Dynasty' tih a ni a, character pawh a rawn tam dawn hle, heroes leh villain hi 60 chuang an awm dawn nia report a ni. Dr Strange bakah Mark Ruffalo, Chris Hemsworth, Tom Hiddleston, Simu Liu leh Karen Gillian te pawh kan hmu leh dawn. Dan lam kaihhnawiha buaina a neih avangin Kang lema changtu tur, Johnathan Majors chu paih a ni leh a, hei vang hian a title pawh hi an thlak maithei. Director atan hian 'Deadpool & Wolverine' hlawhtlin puitu, Shawn Levy hming sawi lan a ni a, mahse tihchian a la ni lo thung. He movie chhunzawmna tur, 'Avengers : Secret Wars' chu kum 2027-ah tih chhuah tura ruahman a ni bawk.