Hollywood Walk of Fame-in 2025-a lak luh turte puang

Hollywood Chamber of Commerce chuan Thawhṭanni khan 2025-a Hollywood Walk of Fame-a lak luh turte a puang.

Hollywood Walk of Fame-a lak luh turte hi Chamber of Fame Selection in a thlang a, Board of Directors-in an pawmpui ve leh a ni. Chamber president Peter Roth chuan an mi thlan chhuahte chuan anmahni field ṭheuha mi chungchuangte an nih thu a sawi.

2025 honoree atana thlan chhuahte hi motion picture, television, recording artist, theatre, sports leh radio lam aṭangtein thlan an ni. Motion picture honoree atana thlan zingah hian Jane Fond, John Carpenter, Jessica Chastain te pawh an tel a, television honoree zingah Lauren Graham, Fran Drescher, Molly Shannon pawh an tel. David Beckham leh Orel Heshiser chu sports honoree niin, theater honoree atan Alan Cumming leh Misty Copeland te thlan an ni bawk. Recording artist aṭanga thlan chhuah zingah fam ta Prince pawh a tel a ni.