Saul 'Canelo' Alvarez Chotu Liam Smith

British boxer rothap Liam Smith chuan Pathianni zinga WBO light-middleweight title humhim tura second round leka Predrag Rado-sevic a knockout hnuah tun hnaia boxer chanchin ngah ber pawl Saul 'Ca-nelo' Alvarez hnek tura a inpeih thu a sawi.

Nikum October thlaa John Thompson hneha WBO title chhuhsaktu Liverpool boxer Smith chuan, "Canelo hian ka ngaihtuahna a luah lo anga ka sawi a nih chuan dawt sawi ka ni ang. Mi tupawhin ka bula Canelo leh Vegas khawpui an sawi apiangin ka hmul thi hi a ding sung sung zel a ni," tiin Mexican boxer chu inhnekpui a chak thu a sawi chhuak.

WBC middleweight champion Alvarez hi khawvela pound-for-pound boxer ṭha zinga chhiar tel a ni a, thla hmasa lawk khan a title kawl lai humhim turin British boxer chanchin ngah tak Amir Khan chu a lo tukdawl tawh. Inhnek vawi 49 a hmachhawn tawhah vawi 47 hnehna changin vawi khat a tlawm a, vawi khat a khingpui nen inhnehtawkin vawi 33 lai a khingpuite a knockout thei - a hneh loh awmchhun hi Floyd Mayweather Jr. a ni.

Saul Alvarez chotu kum 27-a upa Liam Smith hian vawi 24 inhnek a hmachhawn tawhah tlawm hmel a la hmu lo a, vawi 23 a chak zawkah ṭangin vawi khat inhnehtawkah puan an ni a, vawi 13 a khingpui a knockout bawk.