Krismas present-ah Pokémon the Movie: Secrets of the Jungle

Pokémon franchise movie 23-na tur Poké­mon the Movie: Secrets of the Jungle chu Japan-ah chuan Krismas hma niin an tlangzarh dawn.

Pokémon the Movie: Secrets of the Jungle hi ruahmanna hmasaah kha chuan July 10-a tlangzarh kha an tum a, mahse hripui leng vangin an tlangzarh thei ta lo a, Krismas urlawk niah tak Japan-ah chuan tlangzarh an tum ta zawk a ni. Hetihlai hian khawthlang ram lamah chuan nakkumah bak an tlangzarh hmel loh thung.

Okaya ramhnuaia thil thleng anga an siam Pokemon film thar hi trailer pathum lai tihchhuah a ni tawh a, kar tawp liam taah khan a trailer pathumna chu an tichhuak a ni. 

Generation VIII Mythical Pokémon Za­rude leh shiny Celebi-te an lang dawn a, Japan lamah chuan Pocket Monsters the Movie: Coco tiin he film hi an sawi thung ang.

Pokémon hi kum 1995 daih tawha Japa­nese video game desig­ner  Satoshi Tajiri-a'n a siam chhuah niin anime-ah chuan khaw­velah a aia lar sawi tur a tam lo hle ang. A tirah chuan video game chuaha siam niin Nintendo chuan kum 1996 February thla khan an tlangzarh a, an hlawhtlingpui nghal hle a, media franchise sum lalut tam ber zinga mi niin $tluklehdingawn 90 a lalut tling tawh.

Kum 1997 aṭang khan anime series-a tihchhuah niin 1998 khan a movie hmasa ber Pokémon: The First Movie - Mewtwo Strikes Back chu tlangzarh a ni a, heta ṭang hian kumtin deuh thaw movie thar an tichhuak ziah a ni.



Share this Post

Login to comment
No Comments