People Magazine-in a vawi khatna atana Sexiest International Man Alive a thlanah, K-pop group, BTS member Jeon Jung-kook, Jungkook tia hriat lar chu thlan chhuah a ni.
Sexiest International Man Alive hmasa ber tur thlanna hi thla khat chhung buaipui niin, Jungkook hian Dan Levy, Keith Urban, Mathew Rhys leh Paul Mescal-te khumin vote a hmu hnem ber.
Golden singer Hary Styles chuan BTS, The Weeknd, Bad Bunny leh Roddy Rich-te khumin, Sexiest Chart Topper atan thlan a ni ve thung.
People Magazine hian a hmain Sexiest Man Alive 2020 atan Black Panther star Michael B. Jordan a lo thlang tawh a, Sexiest Royal title chu Prince Harry hlan a ni.
Liam, Chris leh Luke Hemsworth-te unau chu Sexiest Brothers atan thlan an ni a, tun hnai lawka a nupui Sophie Turner-in fanu a hrin sak, Joe Jonas chu Sexiest New Dad title pek a ni. A unaupa, Priyanka Chopra pasal, Nick Jonas chuan Sexiest Man Alive 2019 titleholder John Legend khumin Sexiest Reality Show Judge, 2020 a rawn ni bawk.
Ryan Reynolds chu Sexiest Happily Settled Guy atan thlan niin, Armie Hammer chu Sexiest Newly-Single title pek a ni ve thung.
Login to comment
No Comments