Essy leh Jt Production-te chuan music video thar 'Min ui lo mi' chu zanin hian an tichhuak dawn a, Zonet lamah thlira ngaihthlak theih turin an dah chhuak dawn.

'Min ui lo mi' hi Jt Production phuah hi a ni a, music leh recording pawh ama kut chhuak a ni bawk a, a ngaihnawmin a mawi dawn tih a chiang.

Music video a hmuhnawm dawn a, model Mazualtea_Hussia kan hmu dawn a, Choreography chu Alan Rinawma niin Mizo Dance Camp lam kan hmu dawn bawk a, mit leh beng a tlai leh hle ngei ang. M.U.A chu Hlua Chhakchhuak & Mahlimi Gloss Makeup an ni. Videographer chu Hebron Pictures kut chhuak a ni dawn bawk.

Essy hi tunge a nih sawi nawn a ngai lo a, a music video hnuhnung ber ' Kan Hawi kir lo'ng' a hit bawk a, tuna mi pawh hi a hit leh hle turah beisei ila, music video tharah hian a zaithiam piah lamah a zeina a rawn pholang leh mai thei. A thawhpui hi 'Zan Khat a Tan Chauh' hitmaker Jt Production a ni bawk nen, anni thawkdun hian eng ang takin nge kan mit leh beng an tihtlai dawn hriat a chakawm tawh hle.

Jt Production leh Essy hian an hla thar hi July thlaa tihchhuah an tum tawh kha niin rokhawlhna avangin an tichhuak lawk thei lo a, tunah erawh an puitlin thei ta a ni. 

Share this Post