Billboard Music Awards 2020 'Sunflower' iangin Post Malone a par vul Top Female Artist Billie Eilish

Billboard Music Awards 2020 chu EST huna Nilaini zan khan sem a ni ta a, 'Sunflower' hitmaker Post Malone ropuina zan a ni ringawt- award pakua lai a hum haw!

Hmeichhe lamah chuan Billie Eilish bawkin lawm a hlawh leh a, Top Female Artist leh  Top Billboard 200 Album bakah Top New Artist award a hum haw  ve bawk a ni.

Award sem ceremony

A zawna a ṭum thumna atan Kelly Clarkson bawkin a host leh a, award semna ceremony hi Dolby Theatre, Los Angeles, California-ah neiin NBC chuan live-in a pe chhuak. Billboard Awards 2020 hi April 29-a sem tura an ruahman kha ni mah se Covid-19 hripui leng vangin an sawn hla a, thawm an neih loh vang vang hnuah August 14 khan October 14-a sem tur  anih thu puan niin September 22 khan nomination an tichhuak a ni.

Post Malone

ropuina ramah a leng

Billboard Music Awards 2020 chu Post Malone puala buatsaih a ang hial, award hlu tak tak a pawm haw ṭun mai.

Malone hian award ngaihhlut ber pawl Top Artist award a dawng a, chumai a la ni lo! Top Male Artist, Top Billboard 200 Artist,  Top Hot 100 Artist, Top Streaming Songs Artist, Top Rap Artist, Top Rap Male Artist, Top Rap Tour bakah Top Rap Album-te a dawng a ni. 

Nikum leh kumina rimawi huang award semna apianga che ṭha ṭhin tak Billie Eilish pawhin award pathum lai a hum haw leh a, Khalid pawhin Top R&B Artist, Top R&B Male Artist, Top R&B Song leh Top R&B Tour award-te a dawng bawk.

Langsar zual ṭhenkhat

Puanzar lawka lo awm tawh angin Garth Brooks chuan Icon Award a dawng a, Killer Mike chuan Change Maker Award a dawng bawk.

Jonas Brothers chuan Top Radio song, Top Radio Songs Artist leh Top Duo/Group an dawng a, Lil Nas X (featuring Billy Ray Cyrus) 'Old Town Road' pawh a langsar leh hle.

Khawthlang 

media-te'n an sawi zuite

Top Social Artist award dawngtu BTS performance-in lawm leh sawizui a hlawh a, Lizzo leh Billie Eilish-te'n thlirtute vote thlak tura an chah pawhin ngaihven zui a hlawh. 

Demi Lovato leh John Legend-te performance a 'touching'-in a 'emotional' hle a, En Vogue group an kum 30 tlin lawmna puala an perform chuan ngaihhlut a hlawh bawk.

Gospel/Christian huangah

Gospel/Christian huangah chuan rin lawk angin Kanye West a che ṭha hle a, Top Gospel Artist, Top Gospel Album, Top Christian Album leh Top Gospel Song-te a dawng.

Lauren Diagle chuan Top Christian Artist award a dawng a, For King & Country hla 'God Only Knows' chu Top Christian Song-ah thlan a ni bawk.

Gospel/Christian category-a award dawngte:-

Top Christian Artist: Lauren Daigle

Top Gospel Artist: Kanye West

Top Christian Album: Kanye West – Jesus Is King

Top Gospel Album: Kanye West – Jesus Is King

Top Christian Song: For King & Country – "God Only Knows"

Top Gospel Song: Kanye West – "Follow God"

Billboard Music Awards 2020 

winner list ṭhenkhat:-

Top artist:Post Malone

Top new artist:Billie Eilish

Top female artist:Billie Eilish

Top male artist:Post Malone

Top streaming songs artist:Post Malone

Top song sales artist:Lizzo

Top radio songs artist:Jonas Bros.

Top duo/group:Jonas Bros.

Top R&B artist:Khalid

Top rap artist:Post Malone

Top country artist:Luke Combs

Top rock artist:Panic! at the Disco

Top Latin artist:Bad Bunny

Top dance/electronic artist:The Chainsmokers

Top social artist:BTS

Top touring artist:Pink

Chart achievement award:Harry Styles

Icon award:Garth Brooks

Change Maker Award:Killer Mike



Share this Post

Login to comment
No Comments