Deepika Padukone-i'n a kawr hralhna man charity tan hlan

Bollywood actor Deepika Padukone chuan a beauty brand 82°E-in event an neihnaa a hak, a kawrfual eng mawi tak chu Rs. 34,000-in a hralh a, a hralhna man hi charity tan a hlan.

Deepika hian event-a a hak hnu darkar 72-ah a IG story-ah a kawrfual ha lai thlalak dahin a zawrh thu leh, a man zatte a rawn sawi a, minute rei lote hnuah 'sold out' tih a rawn tarlang zui a ni. A team chuan minute 20-ah an hralh nghal tih an sawi. Kawrfual hralhna hi a foundation din, The Live Love Laugh Foundation tan hlan nghal a ni. He foundation hi stress, anxiety, depression leh mental health lama mipuite zirtirna atan leh, heng harsatna neite puihna atan kum 2015-a a din a ni.