US Box office pawn lam Box Office-ah Beisei angin China-ah Mulan a che ṭha lo

Disney film, hmeichhiain an direct tawh film zinga budget la sang ber Mulan chu Zirtawpni liam ta khan China-ah tlangzarh a ni a, beisei angin sum a lalut ṭha lo. Asia ram hrang hranga dodalna a tawh karah Mulan hi tlangzarh a ni a, China-ah chuan kar tawp liam ta khan $mtd 23 a lalut a, hei hian beisei a pha lo hle niin an tarlang.

Deadline chuan dodalna a nasat vangin a sum lakluh hi a tlem phah em tih finfiahna awm lo angin tarlang mah se mi tam chuan a awm ngei niin an ngai. Mulan hian khawvel ram hrang hrang aṭangin $mtd 37.6 a lalut tawh a, ram thlanbikah chuan Diseny+-ah en theihin a awm bawk a, Disney+ aṭanga an sum lakluh erawh tarlan a la ni lo. 

Mulan leh Tenet hi an budget a inang vel nia tarlan niin, US-ah chuan theatre-ah pek chhuah a ni rih lo a ni.



Share this Post

Login to comment
No Comments