GnR November Rain 'Greatest Music Video of All Time' nia sawitu Trump

Axl Rose-a'n nasa takin sawichhiain campaign-na vela a hla hmang lo turin lo vau vel tawh mah se US President Donald Trump music video hmuhnawm tih ber erawh Guns N' Roses 'November Rain' a ni tlat mai!

White House Press Secretary hlui Sarah Huckabee Sanders-in lehkhabu thar 'Speaking for Myself: Faith, Freedom and the Fight of Our Lives Inside the Trump White House' a tlangzarhah chuan hemi chungchang hi ziak lang telin, Trump khan a rally playlist-ah 'November Rain' telh hi a duh lutuka Sanders leh White House staff member dangte chu Oval Office-ah music video chu a thlirtir hial niin a ziak.

"Trump chuan 'the greatest music video of all time' tia sawiin a thusawi finfiahna tur chuan a video min entir hial a, tumah pawhin kan pawm lo lem chuang lo," tiin a ziak a ni.

US President hian GnR hi a ngaina ve hrim hrim niin a lang, kar hmasaa Michigan-a rally a neihnaah pawh Use Your Illusion I track a hmang a,  Live and Let Die-te pawh a lo hmang tawh bawk.

Donald Trump-a thusawi hi in pawm emaw pawm lo emaw, YouTube lama thlira ngaithlatu aṭanga teh chuan a pawmawm viau mai. Mi tluklehdingawm 1.4 laiin an thlir tawh a, 1990's music video zinga thlirtu tld. nei tling hmasa ber a ni.



Share this Post

Login to comment
No Comments