Alexa-ah Amitabh Bachchan aw

Amazon chuan thuchhuah an siamah kum 77 mi Bollywood veteran Amitabh Bachchan chu inremna an siampui tiin an digital assistant Alexa-ah Amitabh-a aw an hmang dawn. Amitabh hi India celebrity zinga Alexa-ah aw an hman hmasak ber tur a ni dawn a ni.

Bachchan Alexa hian fiamthute a thawh thei dawn a, khaw chin, thurawn pek,   shayaris (Urdu poetry), midang chawk phurtur quotes-te bakah thil dang tam tak a sawi ṭhin dawn a, nakkum lamah hi chuan tlangzarh hman an tum niin Amazon chuan an tarlang.

Amitabh pawhin thuchhuah a siamah technology chuan thil thara in-adapt turin remchang an hawnsak zel tih a sawi a,"Movie a ni emaw, TV Show leh podcast a ni emaw, tunah phei chuan  Amazon leh Alexa-te nena aw hmanga thawhdunna tur kan nei leh tawh tur hi ka phur hle," tiin a sawi.

India milar zingah chuan Amitabh hi Alexa-a a aw an hman hmasak ber tur a ni a, Hollywood lama mi lar Samuel L. Jackson-te dinhmun angah a ding ve dawn ta a ni. Samuel L. Jackson aw hi nikum September thla khan Alexa-ah hian hman a ni dawn tih puanzar a lo ni tawh a, a ni hi celebrity zinga a aw an hman hmasak ber a ni thung.

Bachchan Alexa hian demo-ah chuan Hindi-in thil a sawi a, English an hmantir dawn em tih erawh hriat a la ni lo.



Share this Post

Login to comment
No Comments