Legally Blonde prequel siam turah Witherspoon a phur

Hollywood actress Reese Witherspoon chuan Legally Blonde prequel series siam a ni tur chu a phur hle tih a sawi.

Amazon Prime Video chuan series, 'Elle' tih chu an siam dawn tih tun kar tir lam khan an sawi chiang tawh a ni. He series-ah hian Witherspoon-i character, Elle Woods-in Legally Blonde hun hma, a tleirawl lai vela a hun hman dante tarlan a ni. Witherspoon hi executive producer a ni dawn a, Elle Wood tleirawl lai lema chang tur erawh an la puang lo. Witherspoon channa, 'Legally Blonde' hi kum 2001 khan tihchhuah niin a hit hle a, he film-ah hian Jennifer Coolidge leh Luke Wilson te an chang bawk a ni. A hlawhtlin em avangin kum 2007-ah a sequel tihchhuah a ni zui leh bawk.