Led Zeppelin documentary a chhuak dawn hnai

English rock band, Led Zeppelin official documentary hmasa ber,'Becoming Led Zeppelin' chu theatre lamah tihchhuah a ni thuai dawn.

Bernard MacMahon-a direct niin, Sony Pictures Classics chuan theatre-ah a tichhuak dawn a ni. He documentary hi kum 2019 khan siam a nih tur thu an puang a, kum 2021-ah zawh fel niin, hemi kum vek hian Venice Film Festival-ah premier a ni. Hemi hnu hian a reh zui ta vang vang a, mahse, Sony Classic chuan tuai thar lehin, big screen-a tihchhuah turin hun eng emaw chen a buaipui hnuah an tichhuak thei dawn ta a ni. 'Becoming Led Zeppelin' hi band member-te'n an chanchin an sawina a ni a, hei bakah Jimmy Page, Robert Plant, leh John Paul Jone-te interview-na thar bakah, fam ta, John Bonham interview la tihchhuah lohte pawh telh belh a ni. Fillmore West, Atlanta Pop Festival, leh Texas Pop Festival-a an concert footage pawh dah belh a ni bawk.