Blockout 2024 list-ah Alia Bhatt telh

Bollywood actor Alia Bhatt chu Met Gala 2024 neih zawh taka boruak lian tak a neih hnuah, Blockout 2024 movement chuan an list-ah an rawn telh thar ve leh. Hei hi Israel-Gaza buaina thleng mek ngaihven lo leh, midangte tawrhna ngaihsakpui loa an puh vang a ni.

Blockout 2024 list siamah hian khawvel mi lar leh huhang ngah, mahse, Gaza Strip-a indona thleng meka Israel chetna demna leh, Palestinian-te thlavang hauh zawnga ṭawng chhuak duh lote an dah a, mi lar tam tak hming an tlar tawh. India mi lar zingah pawh Priyanka Chopa leh Virat Kohli pawh an lo telh tawh a ni. Taylor Swift, Beyonce, Drake, Harry Styles, Ariana Grande, Selena Gomes, Katy Perry, Zac Efron leh mi dang tam tak an tel a ni. Mi larte chu an larna hmang ṭangkai a, an platform chu Gaza-a inkahhai puang tura nawrna atana hmang turin an phût.