Billboard-ah BLACKPINK Jennie-i'n record a siam

BLACKPINK member, Jennie chuan Billboard Hot 100-ah record thar a rawn siam.

Billboard Hot 100 chart tharah Jennie hian The Weeknd leh Lily-Rose Depp-te nena HBO series 'The Idol' tana an thawhhona,'One of the Girls' chu no. 97-ah a lanpui leh a, Hot 100-ah hian kar 20 chhung a lang tawh a ni. Korean female soloist zingah he chart-a kar 20 chhung lang thei hmasa ber a nih bakah, Korean artist zingah PSY dawta he dinhmun thleng leh thei hmasa ber a ni bawk. PSY hian a megahit, 'Gangnam Style' kha kum 2012-ah Hot 100-ah hian kar 31 chhung zet a lo lanpui thei a ni. 'One of the Girls' hi Billboard Global Excl. US chart-ah no. 29 leh, Global 200-ah no. 43-ah a lang chhunzawm bawk a ni.