CG Entertainment-in free pageant training buatsaih dawn

CG Entertainment chuan Miss Universe Mizoram audition, Aizawla neih tur atana lo inbuatsaihna turin thla khat chhung a thlawnin pageant training a buatsaih dawn.

Free one month pageant training hi vawiin, May 11, 2024 aṭangin neih ṭan a ni dawn a, June 5 thleng kar tin Nilaini leh Inrinniah neih ṭhin a ni ang. He hunah hian mithiam te'n public speaking, communication skills, manners and etiquette, styling, self glam makeup, ramp walk leh mental health-ahte training an pe ṭhin dawn a ni. Miss Universe Mizoram audition-a tel tum kher lo pawh, helama tui zawng zawngte tan training hi a chhim theih bawk a ni.