Netflix Reality show 'Zombieverse'-ah Taeyeon chang dawn

South Korean girl group, Girls' Generation member, Taeyeon chu Netflix Reality show, 'Zombieverse' Season 2-ah a chang ve dawn.

Taeyeon agency, SM Entertainment pawhin reality show-a a tel tur thu hi a tichiang tawh a ni. “Zombieverse” show hi Seoul-ah neih niin, nikum August thla khan tihchhuah a ni a, a hlawhtlin em avangin Season 2 hi an siam leh dawn a ni. Taeyeon hi variety show lamah a mikhual lem lo a, tunah hian TVN show lar tak, Amazing Saturday-ah pawh cast member a ni mek. 'Zombieverse' Season 2-ah hian Single Inferno star Dex pawh a chang dawn a ni.