RamBoss ft Tripy 'Buai nuaih nuaih' zaninah

Tiau Trax drummer leh tunlaia Mizo music producer langsar ber pawl Ramenga (RamBoss) leh Moodstation frontman Tripy-a te chuan zanin hian hla thar an tichhuak dawn.

An hla thar tihchhuah tur hi 'rockstar' an ni ve ve bawk a, a pui dawn hle a, a hla hming pawh  'Buai nuaih nuaih' tih a ni deuh tawp a, an buai nuaih nuaih dawn a nih hmel.

"He hla hi music hmanga tunlai boruak kan document ve na  a ni ber, June 28 khan ka phuah a, chang khatna ka phuah hnuah a hla kalphung hi Ṭpa ka ti riau a, amah ka zu bia a; lo phuah zo la atia,  ka phuah zawh chuan ka thawn lehnghal a. Ani chuan lo duhin Champhai aṭangin Aizawl ka pan ta nghal a ni," tiin he hla an buaipui dun dan chungchang hi Ramenga chuan Vanglaini a hrilh.

Ni thum leh zan thum lai recording pawh hi an bei a, an uluk bawk a, rock music tuipuitute tan chuan ngaihthlak a manhla hle ngei ang. Ramenga phuah hi ni mah se Ṭpa hian a hla kalphung leh guitar riff vel pawh a siam ṭha nual a, tun lo pawh hi an thawhdun leh ngei a beisei thu RamBoss chuan a sawi bawk.

Music Video hi  Manuna leh Chamtea, Khalthang Arts leh Chamtea Graphix-te ṭangkawpin an buatsaih sak a ni a, video-ah hian Zo Vitamin-te'n an pui bawk a ni.

Active sound-in an project hi an sponsor bawk a, RamBoss leh Tripy-te pawh hian an chungah an lawm hle tih an sawi bawk.



Share this Post

Login to comment
No Comments