Victoria Beckham birthday-ah Spice Girls reunion

Fashion designer leh Spice Girl member hlui, Victoria Beckham chuan Inrinni zan khan a pian cham kum 50-na a lawm a, he hunah hian Spice Girl member-te an inhmu khawm a, karaoke hun hmangin 1997-a an hit, 'Stop' an saho. Victoria pasal, English footballer lar David Beckham pawhin a lo zawm ve.

Spice Girls member-te hi kum eng emaw zat hnua kim ṭhapa an inhmuh khawm leh vawi khatna a ni. Band anga an perform hnuhnung ber chu kum 2012-a London Olympic opening ceremony kha a ni. Mayfair-a Oswald private member club-a Victoria pian cham lawmnaah hian Tom Cruise, Rosie Huntington-Whiteley, Salma Hayek, Gordon Ramsay leh Jason Statham te bakah, mi lar dang eng emaw zat an tel.