Shakira chungah Margot Robbie a lawm lo

Hit movie, 'Barbie' star Margot Robbie chu he film chungchanga international pop star, Shakira thusawi danah a lawm vak lo nia sawi a ni.

Shakira hian 'Barbie' film-in mipa naupang, a fapate pahnih Milan (11) leh Sasha (9) ngei pawh telin, nghawng a neih dan chu a duh lo tih a sawi. A fate chuan he film hian mipate chakna tiboin, a tinu vek nia an ngaih thu leh an lawm zawng a nih loh thu a sawi a ni. He a sawiselna hi Australian actress, Robbie hian a la thu tak hle a, he film tana theihtawp a lo chhuah tawhnate avangin, a mimal taka beihna angah a ngai deuh hial. A ṭhian ṭhate bulah pawh Shakira nen hian inhmu palh ni se, a thusawi chungchang hi a chhang let ngei dawn niin a lo sawi lang tawh a ni. Sharika hian pop culture, mipa nihna hnuh hniamsak kher loa hmeichhiate chawisanna leh thuam chakna lam a thlawp a, mi ṭhenkhatin 'Barbie' chungchang a sawi dan hi sel mah se, a thusawi thlawptu tam tak an awm ve bawk.