Harry Styles hnena card 8,000 thawntu man

British singer, Harry Styles stalker, kum 35 mi Myra Carvalho-i chu jail-ah tantir a ni a, Styles perform-na hmunah a kal khap a ni bawk.

Brazil mi, Carvalho hian thla khat pawh tling lo chhungin Styles hi card 8,000 zet a thawn hman a ni. A card thawn zingah hian UK a thlen hnua amah ziah ngeite pawh a tel a, a tam zawk chu Harry Styles ina thleng tura online-a a order-te an ni. Card 8,000 a thawn zingah hian inneih card-te pawh a tel. Kar liam ta khan stalking charge hmangin Harrow Crown Court chuan thiam loh chantirin, kar 14 chhung tang turin a hrem. Carvalho hi nikum December thla khan UK hi thlengin, west London-ah a awm a, a chhungte chuan UK-ah hian a zin tih pawh an hriat loh thu an sawi.