Time magazine influential list-ah Alia Bhatt a lang

Time magazine-in kum 2024-a khawvel huapa huhang ngah mi 100 a thlan chhuahah Bollywood star Alia Bhatt a lang.

Alia Bhatt Hollywood film hmasa ber, nikuma tihchhuah 'Heart of Stone' director leh producer Tom Harper chuan Bhatt hi a fak hle a, 'international star dik tak' tiin a sawi a, mi lar leh hriat hlawh tak a ni chungin a bula awm nuam leh hlimawm tak a nih thute magazine-in an interview-naah a tarlang. He film-ah hian Gal Gadot leh Jamie Dornan-te nen an chang a ni. Ram chhungah pawh a che ṭha hle a, nikum khan 'Gangubai Kathiawad' film hmangin National award for Best Actress a dawng bawk. A film chan thar ber, Ranveer Singh nena an channa,‘Rocky Aur Rani Kii Prem Kahaani’ chu tihchhuah ni tawhin, a pasal Ranbir Kapoor leh actor Vishal Kaushal-te nen Sanjay Leela Bhansali film tharah an chang dawn bawk a ni.