Wetlands List-ah Kaziranga telh mai thei

Union Minister of State for Environment and Forest Prakash Javadekar chuan Kaziranga National Park (KNP) chu sorkar laipuiin wetlands list-ah a telh mai theih thu a sawi.

H mi chungchang hi minister hian Thawhlehni khan Lok Sabha-a Ques-tion Hour-ah a sawi chhuak a ni. State Forest Ministers’ conference chu thla leh hian neih a ni dawn a, he mi hunah hian sawiho a ni ang.

Union Minister hian Kaziranga National Park leh Manipur-a Loktak Lake te chu a tlawh tawh tih sawiin venhimna khauh zawk kalpui a nih theih nan sum tam zawk pe chhuak tura ruahman a ni, a ti. Sum tam zawk ruahman a nih chuan heng Sanctuari te hi changtlung zawka kalpui beisei a ni.

Ministry chuan tunah hian National Wetland Conservation Programme (NWCP) state 24-ah wetland 115 a nei mek a ni. Chung zingah chuan Assam-a Deepor Beel, Urpad Beel leh Sone Beel te pawh an tel. Minister chuan ram chhunga wetland neih mek te chu khawpui thang zel vang te, industry lian tak tak avang te leh, chhan hrang hrang vangin a chereu mek a ni, a ti.