The Voice-ah Gwen Stefani

Thawhlehni zana The Voice show-ah beisei loh tak maiin Gwen Stefani a rawn lang a, stage-ah rawn chuang chhuakin, a single thar a rawn thlawh.

Gwen Stefani hian solo album a tilar mek a, The Voice hi remchangah a hmang niin alang. Mipuiin an beisei lo a, judge te pawhin an lo beisei lawk lutuk bik lo niin alang. 'Misery' hla a rawn sa a, judge leh mipuiin an hlut hle a, a zai zawh hian ding chungin zahna an lantir nghe nghe.

'Misery' hi Stefani album 'This is what the Truth Feels Like' a mi a ni a, he album aṭanga single-a hla a tihchhuah pathumna a ni. A album thar hi a hlawhtling hle a, amah album a tihchhuah tawh zinga Billboard album chart-a pakhatna hauh awm chhun a la ni. Stefani hi Gavin Rossdale nena an inṭhen hnuah The Voice judge Blake Shelton nen an inngaizawng mek.