AC/DC vocalist Brian Johnson a insawifiah

AC/DC frontman Brian Johnson chuan AC/DC tour neih hmabak a chhunzawm theih tawh loh leh, amah aia Axl Rose a zai tawh thung tur chungchangah thupha chawiin a dinhmun dik tak a sawi chhuak.

Johnson chuan a beng ṭha lo chu zual lam a pan zel a, doctor a inentir a, doctor hian ri bengchheng leh music ring tak tak chhuahna hmun kalsan a mamawh berte zinga mi a ni tih a hrilh a ni. "Thlan tur dang ka nei lo. Ka beng a ngawng tak tak lohna tur chuan ka chawlh rih a ngai a ni," a ti. Chu bakah chuan beng ṭha lo chung chunga stage-a a inlan hian an performance a tichhe bawk niin a sawi. "Stage-a guitar ri te ka hre ṭha thei lo ṭhin. Music ri dang ka hriat ṭhat theih loh avangin ka performance a chhiat zel ka hlau a ni," a ti bawk.

"Ka chhuak ta vang vang tihna a ni lo a, a bul ka lo ṭanpui tawh hi a tawp thlenpui ka ch‚k tak zet zet a ni. Mahse doctor leh ka bandmate-ten min duhpui angin ka zaina tur hmabak chu ka chawlhsan a ngai dawn a, chumi piah lam thleng pawh chuan ka chawlh a ngai mai thei a ni. Tun hi ka eizawnna khawvela hun thim leh lungchhiat thlak ber lai a ni," a ti.