Calvin Klein-a'n Kendall a lawm lo

Thawmhnaw lama khawvela brand lar leh hriat hlawh din chhuaktu, Calvin Klein chuan an thawmhnaw brand-in tunhnaia campaign an neihah Kendall Jenner an thlang chu a lawm vak lo a, ani ai chuan Justin Bieber a duh zawk.

Calvin Klein hi a dinchhuaktu ber ni mah se, Calvin Klein brand-ah hi chuan thuneihna a nei tawh mang lo ti ila a sual lo ang. Calvin Klein brand hian underwear campaign an neih 'My Calvin'-ah Kendall Jenner an hmang a, mahse a dintu leh hming putu ber Calvin Klein erawh a hmin lo hle.

A dintu Klein hian Kendall an hmanna chhan chu social media-a zuitu a ngah vang leh a lar vang mai mai a ni a ti a, hei hi a brand tena an hman chhan chiah pawh a ni. "Kei chuan Justin Bieber hi ka duh zawk a, a chhan chu social media-a follower a ngah vang ni loin, amah, a mimala hi ka duh vang a ni," a ti.

Klein chuan social media leh thil danga an lar avanga model hman ringawt hi hmalam hun thui zawk thlir chuan awmze nei thui lo tur a ni tih a sawi a, lar ringawt ho hman hi a thlawp lo tih a sawi a ni.

Calvin Klein hi Calvin Richard Klein-a'n kum 1968-a a din kha a ni a, amah hi Juda mi a ni. A tir chuan fashion lam a buaipui a, a hnu zelah perfume te, sana leh tlereuh lamah a sumdawnna hi a zauh ta zel a ni. Politics lamah chuan Democrat lam a ‚wn.