Miss Mizoram 2024 pageant : People's Choice thlang dawn

Miss Mizoram 2024 thlanna kal mekah contestant 18 an awm a, district hrang hrang aiawh tura thlan chhuahte leh, Aizawla Open Audition round paltlangte an ni. An zing aṭang hian mipuite'n an vote/like hmangin People's Choice an thlang thei dawn.

Intihsiak chhungin Miss Mizoram Instagram leh Facebook account-ah contestant-te thlalak/reels post a ni ṭhin dawn a, belh khawma thlalak zinga 'Like' ngah ber chu People's Choice subtitle pek a ni ang. Mipuite thlan chhuah, People's Choice hi Top 10-ah a inhlangkai nghal dawn bawk a ni.

Zonet Cable TV leh Mizoram Journalists' Association ( MJA)-in an buaipui, Miss Mizoram 2024 thlannaah hian Women & Child Development (WCD), Mizoram chu main (title) sponsor a ni dawn a, Atomy India chu co-sponsor a ni ang.