Aizawl-ah K-pop group 'BLITZERS'

K-pop group lar tak, 'BLITZERS' chuan April thla hian Aizawl-ah live concert an rawn nei dawn e.

'BLITZERS Live in Aizawl' hi Ace Business Group leh BR Studios bul tum niin, artist management agency, Pink Box Entertainment-te nena huaihawt a ni dawn a ni. April 12, 2024-ah LPS Arena, Falkland Veng-ah concert hi neih a ni dawn a, ticket hi triket.in-ah lei theihin a awm tawh.

BLITZERS hi South Korean boy band an ni a, 12 May 2021-a debut an ni. A tirah member pasarih an ni a, kumin January thla aṭang khan member parukin an ding tawh a ni. Asia Artist Award, 2021-ah Focus Award leh K-Global Heart Dream Awards 2022-ah K-Global Rising Star Award te an lo dawng tawh a ni.