Bruce Springsteen biopic-ah Jeremy Allen White

American rock singer, songwriter leh guitarist, kum 74 mi, Bruce Springsteen chanchin movie-a siam tur, 'Deliver Me From Nowhere'-ah Golden Globe Award winner, Jeremy Allen White chu a chang dawn nia sawi a ni.

Springsteen biopic hi kum 2023-a Warren Zanes-a lehkhabu tihchhuah behchhana siam a ni dawn a, 1982-a 'Nebraska' album an siam dan chungchang chu an thlurbing deuh bik ang. Scott Cooper chu script writer leh director a ni dawn nia sawi a ni a, mahse, inremna erawh ziah a la awm lo. 'Nebraska' hi Springsteen-a studio album parukna a ni a, Rolling Stone-in 2020-a 500 Greatest Albums of All Time list a siamah khan no. 150-na a ni. Bruce Springsteen lem chang tura sawi, White hian 'The Bear'-a a role avangin award eng emaw zat a la a, 2023 biographical sports drama 'The Iron Claw'-ah Zac Effron nen an chang bawk.