Taylor Swift-i'n music industry record siam leh

Tunlaia khawvel huapa artist boruak nei lian bera sawi theih, Taylor Swift chuan music industry record a siam leh ta.

Kumin January thla khan Swift hian Billboard album chart-ah Elvis Presley-a'n solo artist zinga no. 1 ni rei thei ber record a lo siam tawh chu a rawn khum a, tunah Billboard record dang a siam belh leh. A hla 'Is IT Over Now?' chu kar liam ta khan Billboard Pop Airplay chart-ah no. 1-ah a lanpui leh a, hemi nen hian Pop Airplay singles-ah no. 1 ni thei hla 13 a nei ta a, musical artist zingah hetiang zat nei thei an la awm lo a, a record siam hi khum a harsa tawh viau ang. Taylor Swift hnuaiah hian Pop Airplay chart-ah no. 1 hla 11 nei thei pathum - Maroon 5, Rihanna leh Katy Perry te an awm ve bawk. Anni pathum hian no. 1 hla an neihna hi a rei ve leh deuh tawh hlawm a ni.