Billboard 200: Ariande Grande-i'n hma a hruai zel

Billboard 200 album chart-ah Ariana Grande album thar, 'Eternal Sunshine' chu luahlan zo an la awm lo a, a kar hnihna atan hma a la hruai chhunzawm.

Kar liam ta chhungin 'Eternal Sunshine' hian US-ah equivalent album unit 1,00,500 neih belh lehin, he album-a hlate hian on-demand official stream mtd 115.05 an nei a, album sales hi 13,000 a ni bawk.

No. 2-ah Kacey Musgraves 'Deeper Well' a rawn lang thar a, equivalent album unit 97,000 a nei. Billboard album chart-ah a tawn san ber ṭum a ni. Morgan Wallen 'One Thing at a Time' chu no. 3-ah a tla thla a, equivalent album unit 70,000 a la nei. Justin Timberlake chuan kum ruk chuang hnua a album tihchhuah leh hmasa ber, 'Everything I Thought It Was' hmangin no. 4-ah a rawn lang a, Top 5-a lang thei album paruk a neihna a ni. No. 5-ah Noah Kahan 'Stick Season' awmin, equivalent album unit 46,000 a nei.