Miss Mizoram 2024 pageant : Hnahthial leh Lawngtlai district aiawh tur puang

Open Audition Round aṭangin mi 8 an tlang

Miss Mizoram 2024 thlanna neih turah, district pahnih - Lawngtlai leh Hnahthial district aiawh turte chu nimin khan puan an ni ve leh ta.

Lawngtlai district miss puanna leh crown khumtirna hi Aizawla Lai House, Bungkawnah buatsaih a ni. Lawngtlai district MJA President chuan an district miss atan L. Lalnuntluangi d/o L Thangzela (L), Sangau thlan a nih thu puangin, Lai House Deputy Resident Commissioner, T Lalhminghlupuii'n miss lukhum a khumtir bakah, sash a awrhtir. MJA, Lawngtlai district hian Lalnuntluangi hi a inbuatsaihna atan Rs. 10,000 an hlan nghal.

Hnahthial district miss puanna hi Aizawl Press Club-ah buatsaih a ni a, Hnahthial district MJA secretary, VL Liansanga'n an district aiawh tur chu H. Zohmingthangi d/o H. Rodingliana, Bualpui H a nih thu a puang a, miss lallukhum khumtirin, sash awrhtir a ni bawk. MJA, Hnahthial district hian a inbuatsaihna senso atan Rs 5,000 an hlan bawk a ni.

March 25-a Aizawla Open Audition result chu nizan khan puan a ni bawk a, mi pariat an tling. Audition round paltlangte chu -