'Queen of Tears'-ah Oh Jung Se inlan dawn

tvN production team chuan Friday-Saturday drama, romantic comedy 'Queen of Tear'-ah Oh Jung Se a inlan dawn tih nimin khan a puang.

Oh Jung Se hian lead role erawh a chang lo a, special appearance niin, eng role ber nge a chan dawn leh, eng episode-ah eng a inlan dawn tih tvN chuan a sawi lo a, mahse, shooting erawh an nei zo tawh tih a sawi. Oh Jung Se hian Kim Soo Hyun a thlawpna lantirna atan 'Queen of Tears' a inlan hi remti nia sawi a ni a, anni pahnih hi kum 2020-a tihchhuah, 'It's Okay to Not Be Okay'-ah an lo chang dun tawh a ni. 'Queen of Tears' hi zanin aṭangin tvN-ah tihchhuah a ni ang a, region ṭhenkhatah Netflix-ah pek a ni bawk ang. He drama-ah hian Kim Ji-won, Kwak Dong-yeon, Lee Joo-bin leh park Sung-hoon te pawh an chang dawn a ni.