Wendell Pierce-a'n 'Superman' cast zawm ve leh

James Gunn-a 'Superman' film thara chang turte puan belh zel an ni. Daily Planet newspaper editor-in-chief, Perry White lema chang turin Wendell Pierce tihfel a ni ve leh ta.

Superman film tharah hian Clark Kent /Superman-ah David Cornswet, Daily Planet reporter Lois Lane-ah Rachel Brosnahan te an chang dawn a, villain Lex Luthor lema chang turin Nicholas Hoult pawh tihchian a ni tawh bawk. Kar liam ta Ningani khan Clark Kent birthday denchhenin, a film thara Superman suit tur thlalak pawh hi director hian a Instagram page lamah a dah lang a ni. Gunn chuan a film thar hi nakkum July 11-a tihchhuah a tum thu a sawi a, hei hi kum 10 chuang liam taa, Zack Snyder 'Man of Steel' hnua solo Superman project hmasa ber a ni.